Actualizar e debater o regulamento e as experiencias sobre a formación inicial, continua e a especialización da avogacía española e europea así como extraer as conclusións para a súa futura aplicación en España foi o obxectivo do Encontro sobre a Formación da Avogacía española e europea que se celebrou onte, 3 de xuño na Escola Galega de Administración Pública (EGAP).
O encontro no que participaron representantes de Austria, Chequia, Francia, Holanda, Italia, Polonia, Portugal e Reino Unido foi organizado pola Escola de Práctica Xurídica de Santiago de Compostela, o Consello Xeral da Avogacía Española (Comisión de Formación), Colexio de Avogados de Santiago de Compostela e o Consello da Avogacía Galega (Comisión de Formación).
O director xeral de Xustiza da Xunta de Galicia, Juán José Martín, destacou no acto de inauguración do Encontro, que os licenciados en dereito que orientan a súa vocación ó exercicio da avogacía "deben ter unha formación de calidade pois representarán a unha das institucións máis antigas" e citou a Escola de Práctica Xurídica de Santiago de Compostela como un exemplo a imitar, recordou que é unha institución que goza de "un gran recoñecemento e consideración polos seus merecidos logros na formación inicial para o exercicio da profesión e tamén para a formación continua e de reciclaxe, esencial para un servizo de calidade nunha profesión que necesita dun constante estudo e adaptación".
No acto de inauguración estiveron presentes o director xeral de Xustiza, Juán José Martín, o director xeral da EGAP, Pablo Figueroa, o presidente da Comisión de Formación do Consello Xeral da Avogacía Española, Evaristo Nogueira e o director da Escola de Práctica Xurídica de Santiago de Compostela, Lotario Vilaboy.
Entre os participantes do encontro atopábanse:
- Membros da Comisión de Formación do Consello Xeral da Avogacía Española:
Javier Álvarez-Santullano, Aitzol Asla, Marta Ballesteros, Juan Berdejo, Mercedes Cabrera, Flora Calvo, Xavier Felip, Antonio Hernández-Gil, Sergio Herrero, Blas Jesús Imbroda, Marta Isern, Mª Esther Medina, Esther Navarrete, Carmen Pitti, José Manuel Rubio, José Sánchez, Mª Jesús Santa Cruz, Jaume Torrent e Simón Venzal.
- Membros da Comisión de Formación do Consello da Avogacía de Galega:
Paula Alvarellos, Sergio Aramburu, Digna Braña, Evaristo Nogueira, Teresa Pazos, José M. Quiveu, Ángeles Seoane, Marcos Vázquez e Lotario Vilaboy.
- Representantes da Abogacía europea:
Austria (Franz Marcus Nestl), Chequia (Lenka Vojirová), Francia (Hervé Germa), Holanda (Ank van Eekelen), Italia (Roberto Sorcinelli), Polonia (Agata Adamczyc), Portugal (Rui Assis), Reino Unido (Julian Lonbay).
